Die Stofpaleis

                                     Dagoudkind - foto deur Oosterlig fotograaf My uitroepteken-kind meld 'n dag na Aprilgekkedag aan.  Soos Emile en Eon, gee sy ook haar eerste skree in die Sandford-kraamhospitaal in Mount Croix.            Reg om huistoe te gaan... Villa Armgard toe!     Die trauma voor en rondom Kia se geboorte is bekend aan my binnekring dus plaas ek nie die detail in die kuberruim nie.    Haar naam het later 'n lekker vertelstorie geword.   Voordat ek vir Arie geken het, het ek geweet dat as 'n dogter my beskore is, ek haar Saskia sou noem (na die eerste vrou van Rembrandt van Rhijn). Vir Arie was die eerste lettergreep "te hard" vir so'n sagte dogtertjie.   Toe kap ons die Sas af en voeg die naam van die meisie vir wie Arie die liefste in sy jonkmansjare was, by: Louise.   ...

Dit was 'n besige jaar!      Ons Stofpaleis het steeds baie lap-en-stopwerk nodig, maar Arie maak van die geleentheid gebruik om Sherlockstraat 2 te koop sodat ouma Gerty "nie meer vir die Jood" huurgeld hoef te betaal nie, maar 'n maandelikse bydrae kan maak sodat ons die bouvereniginglening kan afbetaal. Eon en Emile help!      En was daar nou baie werk... Ouma Gerty se eerste besoek daar toe dit nog so 'n verwaarloosde donker, vuil huisie was, was:  "In hierdie kombuis sal ek nooit 'n koek kan bak nie".      Maar ons het skouer aan die wiel gesit en mure uitgebreek, gepleister, gemuurpapier en voor die einde van Maart kon sy intrek.  Arie het self die verhuising vanaf Newtonpark hanteer. In 'n gehuurde vragmotor met byna geen hulp nie.      Dit is van die verste onthou vir Emile wat toe ongeveer 3.5 jaar oud was... daardie lorrie in Kaapweg en iets kleins wat afval en breek ...   (ek dink dit was my...

Augustus 1984.   Op drie gebeur daar baie dinge in 'n kleuter se lewe en  dan kan jy beveel watter soort koek jou ma en ouma moet bak en versier!         Ons het 'n tafel en stoeltjies by die Blindevereniging gaan koop sodat Emile lekker kon onthaal. Hy het self die muiskos by sy muiskoek uitgepak.   (Wat dink Jana in 2017 van al die suiker?) Emile blaas behendig die drie kerse dood,. Emile het saam met ouma Gerty fietswinkel toe gegaan (Newtonpark) om die blou fietsie uit te soek. Gladys Kay het ook vir  Emile kom gelukwens. Sy was die eienares van ons Sherlock-huisie en ons het reeds in Aug met haar begin  onderhandel oor die koop van die huis. Ons was reeds goed bewus van sy dominante linkerhand.  Kyk die konsentrasie Emile help om die teels skoon te skrop.  Dit kom oorspronklik van Grey Junior se dak af, maar nou dek dit die oppervlakte van ons kantstoep. In Desember kom die Leonhardt-gesi...

Dis 1984 en die twee seuntjies ontwikkel by die dag.     Ons vier Eon se eerste verjaardag in Februarie. Hy wend nog geen poging aan om te loop nie, maar dit pla regtig nie, want kruip-kruip ontdek hy sy omgewing en pluk kaste oop en speel met panne en Tupperware.  So raak hy ontslae van sy babavetjies. Eon se Smartie-fase. Ouma het die koek gebak en Emile het help versier.     Arie het intussen by die Bouindustrie-federasie (BIFSA)  aangesluit as opleidingskoordineerder in die Oos-Kaap. Dit het beteken dat hy dikwels van die huis af weg was.     Omdat hy veel moes reis, het dit beteken dat ons nog 'n motor moes aanskaf en op die manier kom die Cressida in ons lewens (in 2011 het ek die motor verkoop).   Dit was 'n gesinsmotor duisend!     Ek het 'n paar leerlinge wat Afrikaans neem en doen nou en dan 'n koerantstorie vir die PE Express en Oosterlig.         Die treinlokomotief  wat vir 'n ui...

My mede-gasvrou, Heinie de Wet Reklame vir die Hollandse koffiepartye Na die sukses van ons Engelse teepartye, kan daar nie stilgesit word nie.     Die Hollandse vroue in ons gemeente stem dat ons die kantgordyne en Edwardiaanse nostalgie wegpak. Dit word summier vervang met rooi-en-wit geruite gordyne en nekdoeke  / serpies uit die Kinderdijkof Zaanse Schans en sulke tradisionele plekke in die Waterland.   Ons maak Boerebont servies (die breekware in die Stofpaleis se kombuis) bymekaar en in 'n japtrap adverteer ons die gesellighede.    Arie is hoogs in sy skik en ons kafeestyl-inrigting word sommer kommerloos gedoen.  Daarby hou ons ook 'n uitstalling van memorablia wat o a Koninklike herdenkingstukke insluit.  Daar was nog nooit soveel windmeulens in ons huis nie.                                             ...

Die Gereformeerde Kerk se Sustersvereniging vra lede vir maniere waarop daar geld vir die toerus van Moederskamerfasiliteite ingesamel kan word.     Saam met Arie praat ons oor die moontlikheid van 'n reeks Engelse teepartye met 'n Edwardiaanse geur. Ek roep die susters bymekaar en gee hulle 'n voorsmakie oor wat ons kan aanbied.  Dit geval tot die stoerste van koeksister en pannekoek-tantes.    Met Arie se kundigheid en spierkrag word die leefruimte kafeestyl ingerig nadat tafels en stoele uit alle oorde geleen en aangery is.  Ons eie sitkamermeubels word by die bure gestoor.  (dit was jare voordat ons die groot eettafel gekoop het)     'n Spyskaart wat deesdae tradisionaliste lippe sal laat aflek word saamgestel en die komitee en bygeskraapte vrywilligers kry opdragte vir aankoop en bak tot in die fynste detail.   Met koerant en radioreklame verkoop ons kaartjies vir byna al die sittings.     Ons hou dit vir twee we...

Eon Gerrit word op 24 Februarie gebore. Op ons 5de troudagherdenking, en ook in die Sanford-kraaminrigting van die Provinsiale Hospitaal (privaathospitale met kraamfasiliteite het eers teen ongeveer 1986 posgevat).    Gerrit is Arie se tweede naam en hiermee verwys ons ook na my Gertruida naam en my pa se eerste doopnaam, Gert. Eon is afgelei van die Grieks/Latynse woord Aeon, want ons wens hom 'n lang lewe toe (Aeons of time ...).    Arie kry toestemming om die kamera in die kraamkamer te bring en neem fotos van die proses.  Dit is op skyfies wat erens in die Stofpaleis bewaar word.   Ons dominee (Jan-At Kruger) is so opgetrek met die idee van fotos dat hy vra om hulle drie kinders te kom onderrig oor geboorte. So gebeur dit dan ook.    Twee kinders is harde werk en dit beteken min slaap.  Arie neem 'n gewigtige besluit. Hy stel voor dat hy die "aandskof" aandurf en ek die "nagskof" doen.  Dit beteken dat ek my slaap tot so tot na...