1986 begin op 'n slegte noot

Ons maak ons buitekamer beskikbaar vir 'n gesin wat op straat woon.... eintlik 'n sleg situasie vir die kleurlingvrou en haar twee dogtertjies wat verwese voor ons deur kom staan het. Haar man is verhoorafwagtend vir diefstal in St Albans-gevangenis.
    Ek onthou hoe ons met die Cressida gery het om sy borg te gaan betaal. Op die stadium het ons ook 'n gesin veerpoothoenders wat in die agterplaas woon. Die haan moes in toom gehou word onder 'n groot kartondoos sodat hy nie in die oggende te vroeg die buurt wakkerkraai nie.

'n Vrolike toneeltjie op die wipplank wat ouma vir ons gekoop het. Ongelukkig het die dogtertjie, tweede van regs, saam met haar gesin die bacterium Mycobacterium  in ons  huiskring gebring wat my in die hospitaal laat beland het.

                            

      As ek nou daaraan terugdink dan voel dit vir my soos 'n lang en onrustige droom wat naglank duur ...  Dinge werk net nie uit nie want die kos wat ons aanbied staan die man nie aan nie. Hy wil geld he sodat hy sy eie voorkeurkos in Stanleystraat kan gaan koop. Arie sien die ramp aankom en ons kry vir hulle plek in Korsten.
    Maar 'n aaklige kiem het agtergebly.  Ek beland een nag in Greenacres hospitaal nadat ek voor my slaapkamerdeur in ons gang neergesak het. Arie het sy algemene praktisyn tuis geskakel . Sy was die dierbare dr.Joan Dewar, toe al in haar sewentigs. Na een kyk het sy vir Arie gese om 'n noodtassie te pak en ek is saam in haar sportmotor na die Trauma-afdeling van die hospitaal toe.

      Die volgende dag is ek oorgeplaas Provinsiaal toe (in die Tagtigs nog 'n goeie fasiliteit) en dr.Luke Krige word my spesialis want die X-straalplate wys donker plekke op my longe.
     TB is 'n voorlopige diagnose en Arie, die span kindertjies, Brenda en Ouma Gerty moet almal radioloog toe en bloedtoetse ondergaan.
     Dit was vir my 'n reuse skok en wanneer Arie die kinders bring om my te besoek was ek net te afgemat om vrolik voor te kom. Wat ek so helder onthou is hoedat Kia op  my bed sitgemaak word en ek haar probeer vashou.  Wanneer hulle weggaan het ek die Here gevra om my te spaar sodat ek my kinders groot kon sien.

      Alle lof aan Hom wat my na meer as 31 jaar die voorreg gun om hulle "groot" te beleef. Net so jammer dat Arie dit nie met my kan deel nie.
   

Arie en Kia en die veerpoot-egpaar - 'n paar dae voordat ek in die hospitaal opgeneem is.

Comments

Post a Comment

Popular posts from this blog

Ons probeer 'n skool red!

Image
1989:          Die getalle van Dagbreek neem jaarliks af.      Ek en Arie word beide op die Skool se Beheerraad verkies.  Ons moet planne beraam om die situasie om te draai.  Maar as die demografie van die gebied verander en mense met jong kinders verhuis Somerstrand of Westelike voorstede toe is dit nie maklik nie.     Ons buurt word een van ouer mense of van "jappies" wat huise koop en restoureer.  Daar is geen teken van kinders nie! Emile sit voor links     Emile gaan sub. B toe. Sy klasonderwyseres is juffrou Greyvenstein, Hy leer blokfluit speel by mev. Gaynor Nell.  Sy is baie geesdriftig oor musiek en is 'n kranige sangeres wat baie mense in die ligte musiekwereld ken.   So hou ons musiekaande vir die ouers. Met versnaperinge... maar dit verseker nie dat meer kinders vir die skool gewerf word nie!     Eon word opgeneem in Amanda Norval se pre-primere klas en geniet sko...
Read more

Nuwe dekade breek aan

Image
1990.   Nou is Emile in St 1 en Eon in sub A.             Die skool se pre-primere klas het kinders nodig en Kia (met helderpienk broek in die voorste ry) sluit aan hoewel sy nog nie 5 is nie. Therina Pienaar is die onderwyseres.      Ons hou 'n reuse kermis op die Dagbreek terrein. Die geld word aangewend om die pre-primere fasilitiet op te gradeer. Terselfdertyd promoveer ons die idee om die skool dubbelmedium te maak en sodoende dit te "red". Een van die aktiwiteite! Groot fees by Dagbreek       Dit was 'n groot sukses, maar baie harde werk.   Ek onthou dat Arie en Pine geswoeg het met die logistiek en baie energie ingespan het op die dag van die fees. . Ons het snoek van die Boland bestel en dit in die MTR Kinderhuis (oorkant ons in die voormalige Huberta Steyl huis) se vrieskaste gebere het vir die kermis.   Groot vure is gemaak en Brenda het gehelp met die maak en braai van rooste...
Read more

Ons vier 'n eerste verjaardag

Image
Ons vriend Pierre Jordaan, 'n argitektuurstudent, maak hierdie kaartjie vir Emile se eerste verjaardag. Saam daarmee kom 'n reuse mobiel met son, maan, wolke en sterre Vriend Brenton  Schnetler (8) saam met Emile Groot opwinding toe Emile 1 jaar oud word. Ek kan gladnie onthou hoeveel tande hy toe al gehad het nie (wel dat hy die eerste twee ondertante op 6 maande gekry het).    Ouma koop vir hom 'n paar sagte blou skoentjies by PEP of Ackermans en so wrintiewaar... hy begin op daardie dag in die agtertuin loop.  Om-die-draai-bure Brenton en Astrid het vir hom 'n sjokoladekoek gemaak en hy is in sy noppies. Lexie bied haar geskenk aan, maar Emile is in vervoering oor die versiersuiker op sy vingers            Op 25 Augustus word die steeds-woesterny agtertuin 'n feestuin. Ek is drie maande swanger met ons volgende baba.                       Vroeer die ja...
Read more