Ons vier 'n eerste verjaardag

Ons vriend Pierre Jordaan, 'n argitektuurstudent, maak hierdie kaartjie
vir Emile se eerste verjaardag. Saam daarmee kom 'n reuse mobiel met son, maan, wolke en sterre



Vriend Brenton  Schnetler (8) saam met Emile
Groot opwinding toe Emile 1 jaar oud word. Ek kan gladnie onthou hoeveel tande hy toe al gehad het nie (wel dat hy die eerste twee ondertante op 6 maande gekry het).
   Ouma koop vir hom 'n paar sagte blou skoentjies by PEP of Ackermans en so wrintiewaar... hy begin op daardie dag in die agtertuin loop.  Om-die-draai-bure Brenton en Astrid het vir hom 'n sjokoladekoek gemaak en hy is in sy noppies.
Lexie bied haar geskenk aan, maar Emile is in vervoering oor die versiersuiker op sy vingers
           Op 25 Augustus word die steeds-woesterny agtertuin 'n feestuin. Ek is drie maande swanger met ons volgende baba.

         

            Vroeer die jaar reis ons per motor na die Natalse suidkus waar Opa Karel en Oma Carolien afgetree het.  Arie se broer Ad en sy vrou Rosemary (Nana) woon ook in Scotborough. Emile ontmoet sy niggie Karen en nefie Riaan vir die eerste keer.
            In die 80's was die Ciskei en Transkei tuislandgebiede en moes motoriste by paspoortkontroles stop. Ek onthou nog goed hoe dit gereen het by een van die poste en dat Arie die beamptes gevra het om sy vrou en baba in die motor kon bly.  Dit is egter nie toegelaat nie en ons het gaan toustaan met die kosbare baba onder kombersies en sambreel.

Comments

Post a Comment

Popular posts from this blog

Ons probeer 'n skool red!

Image
1989:          Die getalle van Dagbreek neem jaarliks af.      Ek en Arie word beide op die Skool se Beheerraad verkies.  Ons moet planne beraam om die situasie om te draai.  Maar as die demografie van die gebied verander en mense met jong kinders verhuis Somerstrand of Westelike voorstede toe is dit nie maklik nie.     Ons buurt word een van ouer mense of van "jappies" wat huise koop en restoureer.  Daar is geen teken van kinders nie! Emile sit voor links     Emile gaan sub. B toe. Sy klasonderwyseres is juffrou Greyvenstein, Hy leer blokfluit speel by mev. Gaynor Nell.  Sy is baie geesdriftig oor musiek en is 'n kranige sangeres wat baie mense in die ligte musiekwereld ken.   So hou ons musiekaande vir die ouers. Met versnaperinge... maar dit verseker nie dat meer kinders vir die skool gewerf word nie!     Eon word opgeneem in Amanda Norval se pre-primere klas en geniet sko...
Read more

Nuwe dekade breek aan

Image
1990.   Nou is Emile in St 1 en Eon in sub A.             Die skool se pre-primere klas het kinders nodig en Kia (met helderpienk broek in die voorste ry) sluit aan hoewel sy nog nie 5 is nie. Therina Pienaar is die onderwyseres.      Ons hou 'n reuse kermis op die Dagbreek terrein. Die geld word aangewend om die pre-primere fasilitiet op te gradeer. Terselfdertyd promoveer ons die idee om die skool dubbelmedium te maak en sodoende dit te "red". Een van die aktiwiteite! Groot fees by Dagbreek       Dit was 'n groot sukses, maar baie harde werk.   Ek onthou dat Arie en Pine geswoeg het met die logistiek en baie energie ingespan het op die dag van die fees. . Ons het snoek van die Boland bestel en dit in die MTR Kinderhuis (oorkant ons in die voormalige Huberta Steyl huis) se vrieskaste gebere het vir die kermis.   Groot vure is gemaak en Brenda het gehelp met die maak en braai van rooste...
Read more