Erf 2218, Sentraal
In Augustus 1981 kry ons 'n baba, Rinus Emile, en koop 'n huis aan die 'verkeerde kant van Sentraal'.
Erf 2218.
Ons het 'n hegte band met Arie se oom Rinus (Marinus Wegner) in Nederland en dink nie twee maal om Emile na hom te vernoem nie. Opa Karel, die amptelike/genetiese grootvader, is al vele kere vernoem, so niemand kik of mik hieroor nie.
Ouma Gerty was bekommerd. R44 000 is darem baie geld vir 'n huis in 'ou buurt'. Dan lek die sentrale geut tussen die twee nokke ook nog erg, daar is 'n gat in die houtvloer in die badkamer en die agtertuin is 'n woesterny.
Arie was ook katvoet, want dis die "verkeerde kant" van Sentraal, maar hy is in vervoering oor die twee kaggels en die ruimte! Ons kry 'n lening by die Perm vir 75% van die koopprys en teken ons vas vir 20 jaar!
Eers kry ons huurders vir 5 maande aangesien ons 'n kontrak met die Universiteit het vir huur van 'n duplex in Cuylerstraat (Arie het die voordeel gekry omdat hy ingeskryf was vir B Hons Sielkunde) tot einde Desember.
Teen die middel van Desember 1981 verdwyn ons huurders een nag in dun mis. Die volvloermatte is uitgeruk en die gang en die spaarkamer lyk erg. Daar is oliekolle op die vloere en deure. Ons lei af hulle het motorfietse reggemaak in die huis!
So begin die tweepersoonspan se 'renovasie' poging in die aande en oor naweke. Die baba slaap in sy drakassie onder die invloed van 'n druppel of twee groenmamba.
Net voor die einde van dieselfde jaar kom Gawie en Liesje Rousseau en die vier nefies in PE kuier. Hulle bly in Tinie Malan se woonstel en sit hand by met die trek, baba oppas en verf.
Ek onthou nog so goed hoe Francois (toe so 11) my gehelp het om die sitkamer te verf (die kleur Wheat van Plascon wat nou nog op die mure is). Arie en Gawie het die kombuis leefbaar gemaak. My ma maak kantgordyne van tafeldoeke vir die eetkamervensters (hulle hang steeds) en help waar sy kan..
Rondom Nuwejaar van '82 kom jarelange vriendin Miriam Terblanche en haar vriendin oorslaap. Hulle het kampeertoerusting. Dit reen en daar is 'n hol ding onder elke lek, Meubels en dose staan oral rond. Die plek lyk soos 'n deurmekaar pakstoor. Ons het net een dubbelbed en 'n yster-kinderbed, maar die gaste is dolgelukkig onder 'n tafel in die gang.
Saam met die Africana-bibliotekaresse van die Munisipaliteit het ek in 1983
gesoek na die name van vorige eienaars.
Dit is wat die PE YEARBOOK AND DIRECTORY opgelewer het:
1907 - A Waldeck, Villa Armgard
1909 - J L Wilson, verander naam na Bon Repos *
1928 - Dr en mev L S Zinober
1946 - A H le Roux
1956- mev. A Rautenbach
1960- G F Rautenbach
1964- M Brown
1965- A J Spamer
1970- Central Creche
1974- mev. D A Lane
1976- mnr. Bishoff
1981- A G Wegner
* Bon Repos wat Lekker Rus beteken, word terugverander na Villa Armgard want rus gebeur min in die eerste jare van ons "besetting".
In die 21ste eeu begin ons verwys na Die Stofpaleis want afstof en opsuig bly 'n Herkuleense taak.
Erf 2218.
 |
| Hoewel die tuin uiters verbeeldingloos voorkom, trek ons in met groot drome ... |
 |
| Oma Carolien het voor die verhuising kom kuier |
 |
| Ouma Gerty het haar bes gedoen om die gesin te help met nuwe baba en nuwe vesting |
Ouma Gerty was bekommerd. R44 000 is darem baie geld vir 'n huis in 'ou buurt'. Dan lek die sentrale geut tussen die twee nokke ook nog erg, daar is 'n gat in die houtvloer in die badkamer en die agtertuin is 'n woesterny.
Arie was ook katvoet, want dis die "verkeerde kant" van Sentraal, maar hy is in vervoering oor die twee kaggels en die ruimte! Ons kry 'n lening by die Perm vir 75% van die koopprys en teken ons vas vir 20 jaar!
Eers kry ons huurders vir 5 maande aangesien ons 'n kontrak met die Universiteit het vir huur van 'n duplex in Cuylerstraat (Arie het die voordeel gekry omdat hy ingeskryf was vir B Hons Sielkunde) tot einde Desember.
Teen die middel van Desember 1981 verdwyn ons huurders een nag in dun mis. Die volvloermatte is uitgeruk en die gang en die spaarkamer lyk erg. Daar is oliekolle op die vloere en deure. Ons lei af hulle het motorfietse reggemaak in die huis!
So begin die tweepersoonspan se 'renovasie' poging in die aande en oor naweke. Die baba slaap in sy drakassie onder die invloed van 'n druppel of twee groenmamba.
Net voor die einde van dieselfde jaar kom Gawie en Liesje Rousseau en die vier nefies in PE kuier. Hulle bly in Tinie Malan se woonstel en sit hand by met die trek, baba oppas en verf.
 |
| Klein-klein op die renovasieperseel |
Rondom Nuwejaar van '82 kom jarelange vriendin Miriam Terblanche en haar vriendin oorslaap. Hulle het kampeertoerusting. Dit reen en daar is 'n hol ding onder elke lek, Meubels en dose staan oral rond. Die plek lyk soos 'n deurmekaar pakstoor. Ons het net een dubbelbed en 'n yster-kinderbed, maar die gaste is dolgelukkig onder 'n tafel in die gang.
Saam met die Africana-bibliotekaresse van die Munisipaliteit het ek in 1983
gesoek na die name van vorige eienaars.
Dit is wat die PE YEARBOOK AND DIRECTORY opgelewer het:
1907 - A Waldeck, Villa Armgard
1909 - J L Wilson, verander naam na Bon Repos *
1928 - Dr en mev L S Zinober
1946 - A H le Roux
1956- mev. A Rautenbach
1960- G F Rautenbach
1964- M Brown
1965- A J Spamer
1970- Central Creche
1974- mev. D A Lane
1976- mnr. Bishoff
1981- A G Wegner
* Bon Repos wat Lekker Rus beteken, word terugverander na Villa Armgard want rus gebeur min in die eerste jare van ons "besetting".
In die 21ste eeu begin ons verwys na Die Stofpaleis want afstof en opsuig bly 'n Herkuleense taak.
IN 2001 kry ek besoek van dr. Vivienne Joffe, dogter van Louis Zinober. Sy wil so graag die huis sien. Later stuur sy vir my hierdie kosbare fotos (Uit Bristol waar sy as pediater gepraktiseer het)
Laaste foto van dr, Louis Zinober se moeder. Sy is in 1933 dood aan kanker.
Dr Louis Zinober
Zinober gesin circa 1927
Comments
Post a Comment